DISA ASPEKTE NGA EKONOMIA E SHKODRËS MESJETARE

Shkodra ishte një ndër qytetet më të mëdha dhe më të rëndësishme të hapësirës arbërore në Mesjetë dhe të flasësh për ekonominë e këtij qyteti gjatë kësaj periudhe në mënyrë të detajuar në një artikull të vetëm është diçka e parealizueshme, sepse kjo temë kërkon një monografi studimore. Megjithatë hapësira që na jep artikulli na lejon të përmendim disa aspekte kryesore të ekonomisë së këtij qyteti.Këtu do të përpiqemi të japim një panoramë të ekonomisë së Shkodrës në Mesjetë, duke u përqendruar kryesisht në gjysmën e parë të shek. XV, për të cilën kemi edhe të dhëna dhe burime dokumentare më të shumta. Artikulli në fjalë ka si qëllim që të cekë çështjet më kryesore ekonomike.